Target sang Ilongga beauty queen nga makakuha sang isa sa mga korona sa Miss World Philippines 2021.
Sa interview sang Bombo Radyo kay Ruffa Nava, iya ginpahayag nga antes magtakop ang iya journey sa pageantry, luyag niya nga makuha ang Supranational ukon Reina Hispanoamericana title.
Apat ka mga national pageants kag isa ka international pageant na ang na-intrahan ni Ruffa.
Suno sa beauty queen, sa kada pag-intra niya sa beauty pageant kada tuig, naga-evolve man siya bilang beauty queen kag mas nagamaayo pa.
Si Ruffa ang yara sa beauty camp nga Kagandahang Flores.
Ang adbokasiya niya ang nagasentro sa paghatag sang libre nga edukasyon sa mga kabataan ilabi na ang mga yara sa pigado nga lugar.
Gin-ako man ni Ruffa nga nagakabatyag siya sang pressure bangud sa bag-o lang natapos nga Miss Universe pageant sa diin ang nangin tiglawas sang Pilipinas ang isa ka Ilongga nga si Rabiya Mateo.
Indi man manigar nga may mga kritisismo siya nga mabaton apang pahayag niya, naanad na siya sa mga ginahaboy nga tinaga sa iya apang wala na niya ini ginasapak pa.
