Gin-aprubahan na sang Inter-Agency Task Force (IATF) ang hingyo ni Iloilo City Mayor Jerry Trenas nga pasakaon pa sa mas istrikto nga quarantine status ang syudad sa Modified Enhanced Community Quarantine (MECQ).
Epektibo na subong, Mayo 23 kag magalawig tubtob sa Mayo 31, 2021 ang nasambit nga status.
Sa interview sang Bombo Radyo kay Iloilo City Mayor Jerry Trenas, iya ginpahayag nga wala lang anay sang byahe sa Iloilo City-Bacolod City ukon Iloilo City-Negros Occidental and vice versa.
Suno kay Mayor Trenas, katuyuan sang temporaryo nga pagsuspend sang byahe amo nga indi na maglapta pa ang virus.
Gin-athag man sang alkalde nga wala sang border restriction sa tunga sang syudad kag sa iban nga probinsya sa Western Visayas.
