Nagapadayon pa ang imbestigasyon sang Bureau of Fire Protection (BFP) natuhoy sa sunog nga nagluntad sa Barangay Bolilao, Mandurriao, Iloilo City.
Sa interview sang Bombo Radyo kay Maricel Liba, Administrative Staff sang amo nga barangay, iya ginpahayag nga duha ka balay ang natupok sang kalayo sa diin ang isa diri amo ang boarding house nga ginapahayag may kapin 15 ka hulot.
Suno kay Liba, santo sa BFP, totally burned ang boarding house kag diri ginapahayag naghalin ang kalayo kag partially burned naman ang kaiping sini nga balay.
Ginahibalo pa subong ang balor sang halit sang sunog kag kun ano ang matuod nga gintunaan sini.
