Hambal sang katigulangan, kun ikaw ang ginkuha bilang maninay ukon maninoy, nagakadapat nga indi mo ini pagbalibadan.
Apang masarangan mo bala ini tungdan kun madamo sang “demands” ang ginakanan sang imo nga ihado ukon ihada?
Isa ka lalaki sa United Kingdom ang gintawag nga “selfish” sang mga ginikanan sang iya kuntani ihado matapos nagpamalibad ini nga mangin maninoy.
Ini bangud daw kaangay nga may yara sang kontrata sa tunga sang ginikanan kag sang lalaki kag may mga ginapangayo ini nga wala sa lugar.
Ginkakibot na lang sang lalaki nga may yara sang envelope nga nag-abot sa iya balay sa diin nalakip ang malaba nga listahan sang ginapangayo sang ginikanan sang bata lakip na ang pagsaylo sang lalaki sang relihiyon kag pagregalo sa bata sang kwarta nga nagabug-os sang 18,000 british pound ukon P1.2 million sa tanan nga okasyon.
Magluwas sa malaba nga listahan, may yara pa sang legal contract nga nalakip sa diin kinahanglan sang lalaki nga magpirma agud nga mangin maninoy.
Ti ikaw, luyag mo pa bala nga mangin maninoy ukon maninay kun may mga amo sini nga ginapangayo ang ginikanan sang bata?
