”Kun may ara gid man sa tani, pwede ta na dugang sa Moderna or Pfizer or Astra kay madamo pana mapuslan ya”–Mayor Treñas angot sa ginapahayag ”Assassination threat” kag P25 million nga patong sa iya ulo

Ginkadlawan lamang ni Iloilo City Mayor Jerry Treñas ang ginapahayag ”assassination threat” sa iya sang isa ka netizen sa Facebook.

Ang netizen amo si certain ‘Arnold Delmoro’ nga nagwarning man sa isa pa niya ka Facebook account sa iya mga abyan nga ginhack ang una sini nga account nga nagpost sang pagpamahog.

Sa Facebook post ni Delmoro, iya ginpost ang mga tinaga nga ”I’m offering 25 million pesos to those who can assassinate mayor jerry treñas…”

Sa interview sang Bombo Radyo kay Mayor Treñas, iya ginpahayag nga gina-imbestigaran na sang mga pulis kaupod ang Regional Anti-Cybercrime Unit 6 ang ginapahayag pagpamahog sa iya kabuhi.

Suno kay Treñas, mas mapuslan kuntani ang P25 million nga patong sa iya ulo kun ibakal nalang ini sang dugang nga mga COVID-19 vaccine para syudad sang Iloilo.