Madayon na karon sa gab-i umpisa las 6:30 ang Queen Search sa Carabao Carroza Festival sa Pavia, Iloilo sa tunga sang COVID-19 pandemic.
Sa interview sang Bombo Radyo kay Pavia, Iloilo Mayor Luigi Gorriceta, iya ginpahayag nga ang nasambit nga festival ang patigayunon via virtual presentations.
Ini ang pagahiwaton sa Multi Purpose Gym sa banwa sang Pavia, Iloilo sa diin ang pasugtan lamang nga makasulod amo ang 18 ka mga contestant, ila mga ginikanan, kag judges.
Ini na man ang ikaduha na nga pagpatigayon sang virtual Carabao Carroza Festival sa Pavia, Iloilo halin sang nag-umpisa ang COVID-19 pandemic.
Las 7:00 sang gab-i naman maumpisa ang Virtual Pageant kag Coronation Night.
Ginpat-od man sang alkalde nga ipatuman ang tanan nga minimum health protocol sa kahiwatan.
