Nasapwan sang mga residente ang duha ka kalabira kag duha ka lungon sa ginakukut nga duta sa ginakaayo nga gym sa Rizal Lapuz Sur, Iloilo City.
Sa interview sang Bombo Radyo Rolly Barcelona, isa sa mga nagakakutkut sang duta sa amo nga lugar, iya ginpahayag nga nagabuho sila sang duta agud himuon nga pundasyon sa ipatindog nga gym sa amo nga lugar.
Suno kay Barcelona, ginabanta apat ka tapak na ang kadalumon sang ginakutkut nila nga duta, sang nakit-an nila ang pila ka mga tul-an kag mga bagol sang tawo.
May duha man ka dumaan nga lungon nga nakit-an nga may antad nga isa ka metros sa isa kag isa.
Sa subong, padayon naman nga ginahibalo ang identity sang nasambit nga mga kalabira.
