Nagpositibo sa COVID-19 ang lima ka pari sa Archdiocese of Jaro.
Sa exclusive interview sang Bombo Radyo kay Father Angelo Colada, Director sang Archdiocesan Commission on Social Communications sang Archdiocese of Jaro, iya ginpahayag nga lima ang active cases sa subong.
Sa lima ka nagpositibo, duha diri ang retired, isa ang assigned sa Bingawan, Iloilo kag ang duha naman ang assigned sa Sara, Iloilo.
Suno kay Colada, duha ang yara sa ospital kag tatlo ang ginquarantine sa hotel.
Ginpahayag ni Colada nga padayon pa nga ginatumod kun paano nalatnan sang COVID-19 ang nasambit nga mga pari.
Nahibaluan nga nabakunahan na sang COVID-19 vaccine ang mga pari sa Archidiocese of Jaro.
Sa data sang Archdiocese of Jaro, may yara sang 190 ka mga pari sa Iloilo.
Gin-ako man ni Colada nga indi malikawan nga may pagtililipon sila Archdiocese of Jaro nga isa sa mga posible gintunaan sang pagpositibo sa COVID-19 sang lima ka mga pari.
