Nadelay ang mga byahe sang pasahero nga padulong sa Iloilo City – Guimaras and vice versa.
Ini apisar nga ginpahanugutan na ang byahe sang mga Roll on- Roll off (RoRo) vessels kag steel hulled vessels.
Sa interview sang Bombo Radyo kay alyas Nonong, crew sang isa ka steel hulled vessel sa Parola Wharf, Iloilo City Proper, iya ginpahayag nga ginpahulat anay ang mga pasahero agud isaylo sa isa ka barko bangud indi makasarang sa pagbyahe ang mga fiber glass boats bangud sa mabaskog nga mga pagbalod.
Suno kay Nonong, bangud sa zero visibility, wala anay nila ginpabyahe ang mga RoRo kag iban pa nga vessels.
