Ipaidalom sa lockdown ang Iloilo Provincial Capitol kag Iloilo Sports Complex sa bwas nga adlaw, Hunyo 3.
Sa interview sang Bombo Radyo kay Iloilo Provincial Administrator Atty. Suzette Mamon, iya ginpahayag nga katuyuan sini nga mapatigayon ang total disinfection sa nasambit nga mga talatapan.
Suno kay Mamon, hatagan man sang ligwa ang nagapadayon nga contact tracing sa Iloilo Provincial Capitol.
Gin-athag man ni Mamon nga ang tanan nga transaksyon sa Iloilo Provincial Capitol kag Iloilo Sports Complex ang magapadayon sa Lunes, Hunyo 7.
Nagpangayo man sang paghangop ang natungdan sa publiko.
Nahibaluan nga ang pagdisinfect sa Iloilo Provincial Capitol ang kasunod sang pagpositibo sang anak ni Iloilo City Vice Mayor Jeffrey Ganzon nga si Rara Ganzon nga nagatrabaho sa Provincial Social Welfare and Development Office.
