Ginmanduan ni Iloilo Governor Arthur Defensor Jr. ang Iloilo Police Provincial Office (IPPO) Director, Municipal/City Chiefs of Police, City/Municipal Mayors, Local Task Forces, kag Punong Barangays nga ipatuman kag sundon ang guideLines para sa Executive Order 175.
Ang nasambit nga EO amo ang pagpatuman sang istrikto nga quarantine protocol kun sa diin indi pagpahanugutan ang non-essential ukon indi importante nga mga byahe sa mga banwa kag sa syudad sang Passi.
Nasaad man sa EO nga kinahanglan ang travel pass para sa mga tawo nga ginapahanugutan nga makaagi sa control points.
Sa interview sang Bombo Radyo kay Gov. Defensor, yari ang iya mga ginpatpat nga mga guidelines para sa EO 175.
*Sa mga makuha sang Government Travel Pass
- mahimo ini makuha sa Local Chief Executive ukon sa duly authorized representative.
-Para sa iban nga government offices, ang head sang ahensya ukon ang iya duly authorized representative sa banwa ukon syudad ang maka-issue man sang travel pass.
-Sa mga makuha sang Company/Employer Travel Pass, ini ang i-issue sang duly authorized officer.
Samtang sa mga empleyado naman sang probinsya nga nagatrabaho sa syudad sang Iloilo, mahimo makuha ang travel pass sa kompaniya ukon employer.
*Indi naman required ang Travel pass kun may yara sang medical emergencies.
-Humalin Hunyo 4 tubtob Hunyo 1, 2021, ang mga Returning Residents sang probinsya, Authorized Persons Outside Residence (APOR) kag Overseas Filipino Workers (OFWs) lamang ang pahanugutan nga makabyahe sa probinsya sang Iloilo.
-Ang mga returning residents ang gina-require nga magdala sang government ID bilang pamatuod nga residente sang probinsya.
*Ang mga APOR ang gina-require man sang ID kag travel order ukon travel itenerary samtang ang mga APOR nga nagatrabaho sa iban nga livelihood sector ang dapat may ipakita nga ID kag proof of work/business/livelihood kaangay sang business permit, title to property kag iban pa.
*Ang mga drivers sang public utility vehicles (PUVs) ang indi na kinahanglan pa sang travel pass.
*Kinahanglan man ang LGU travel pass kun magbakal sang bulong ukon ano man nga essential goods kun indi ini available sa banwa ukon syudad magluwas lang kun emergency travel.
*Gina-require man ang special Company/Employer Travel Pass ang mga APOR nga nagatrabaho sa mga establisimento nga nagabukas kun Sabado, Domingo kag Non-working days.
*Samtang ang mga may transaksyon naman sa mga banko, insurance companies ukon magabayad sang bills kag ano man nga essential private business transactions ang nagakadapat magsecure sang LGU Travel pass para sa essential government/business transactions.
