Narekord subong nga adlaw ang 746 nga COVID-19 cases nga amo ang pinakataas nga nalista sa bug-os nga Western Visayas humalin sang nag-umpisa ang pandemya.
Nagapanguna sa may pinakamataas nga new cases ang Iloilo Province nga may 211.
70 naman ang nagdugang sa Aklan, 33 sa Antique, 66 sa Capiz, 3 sa Guimaras, 137 sa Negros Occidental, 128 sa Bacolod City, kag 116 sa Iloilo City.
Sa subong, 50,948 na ang kabug-usan nga kumpirmado nga kaso sa bug-os nga rehiyon kag 8,941 sa sini ang active cases-.
Nagdangat naman sa 40,786 ang recoveries matapos nadugangan sang 293 subong nga adlaw.
1,205 ang death toll matapos nadugangan sang 10 nga napatay bangud sa COVID-19.
Kun pahat-pahaton ang mga kaso sa bug-os nga Western Visayas:
Aklan – 2,638
Antique – 1,636
Capiz – 3,127
Guimaras – 606
Iloilo Province – 8,456
Negros Occidental – 15,678
Bacolod City – 10,300
Iloilo City – 8,507
