Makapila naghana sang pagpamuno ang isa ka criminology graduate rason nga ginluthang-patay ini sang hepe sang Sta. Barbara Municipal Police Station.
Ang criminology graduate amo si Joel Simpao, 41, single kag residente sang Barangay Bagumbayan, Sta. Barbara, Iloilo.
Sa interview sang Bombo Radyo kay Police Major Raymond Celoso, hepe sang Sta. Barbara Municipal Police Station, iya ginpahayag nga gin-atake sang nervous breakdown ang suspek.
Suno kay Celoso, diri kag nagtawag sang bulig sa ila ang pamilya ni Simpao nga ginapahayag nagahurumentado.
Ginpahayag ni Celoso nga pagresponde nila sa balay ni Simpao, didto na kag nangin agresibo pa ini sang gintestingan nila ini nga pakalmahon.
Gin-ako ni Celoso nga may pamahog na sa iya nga kabuhi sang makapila siya hana nga bun-on sa diin nag-angkon pa siya sa magagmay nga pilas rason nga ginluthang niya si Simpao.
Nag-angkon sang igo sa tuo nga bahin sang lawas si Simpao nga amo ang gintunaan sang iya kamatayon.
Nahibaluan nga nadepress ang suspek matapos wala nakapasar sa board exam sa criminology.
