Preparado ang Police Regional Office VI sa COVID-19 pandemic.
Sa interview sang Bombo Radyo kay Police Lt. Col. Joem Malong, spokesperson sang PRO VI, iya ginpahayag nga sang nag-umpisa ang pandemya sang nagligad nga tuig, naghimo na sila sang contingency plan agud nga mapreparahan ang augmentation sang mga police personnel sa tion nga may malatnan sang COVID-19 sa kada police station sa rehiyon.
Suno kay Malong, nakahanda ang Regional Mobile Force Battalion 6 nga mag-augment sang police personnel sa mga police station nga apektado sang COVID-19 ukon may mga katapo sang pulis nga nalatnan sang amo nga virus.
Ginpahayag ni Malong nga nagakadapat nga indi mapi-ang sang COVID-19 ang administrative kag operational nga trabaho sang Philippine National Police rason nga ginpreparahan nila ang mga posibilidad agud nga indi mag-untat ang ila trabaho para sa mga pumuluyo sa tunga sang pandemya.
Dugang sang natungdan, nagapasalamat man sila sa mga force multipliers kaangay sang barangay officials kag barangay tanod nga nagabulig man sa mga pulis kag enforcers sa pagbantay sa mga border control point sa syudad kag probinsya sang Iloilo.
Samtang, sa subong suno kay Malong, may yara pa sang 55 ka active cases sang COVID-19 ang PRO VI.
