ILOILO CITY- Magarequest ang Local Economic and Enterprise Office (LEEO) sa Iloilo City Compliance Team sang dugang nga personnel nga i-augment sa Iloilo Terminal Market ukon Super.
Ini may kaangtanan sa pagpatuman sang minimum health protocol sa sulod sang merkado.
Sa interview sang Bombo Radyo kay Maricel Mabaquiao, head sang LEEO, iya ginpahayag nga apisar may yara sang mga personnel ang LEEO agud magsaway sa mga vendors kag sa mga bumalakal, may iban sa gihapon nga wala nagasuksok sang face mask.
Suno kay Mabaquiao, kon madugangan ang mga enforcers nga nagabantay sa merkado, mas maarapalan nila ang pagbantay kag pagsaway sa mga tawo nga wala nagsunod sa protocol sa bilog nga merkado.
