Nagsaka sa $808 million ukon ukon P38.5 billion ang foreign direct investment sang Marso.
Suno sa Bangko Sentral ng Pilipinas (BSP), ini ang mas mataas sang 139.5 percent kun ipaanggid sa $337 million ukon P16.1 million nga narekord sa kaangay man nga bulan sang nagligad nga tuig.
Isa sa mga ginalantaw nga rason sang BSP sa pagsaka sang foreign direct investment amo ang pagbalik liwat sang ekonomiya.
Ang total nga cumulative foreign direct investment net flow sa first quarter subong nga tuig ang nagdangat sa $2.4 billion P114.6 billion.
Ini ang mas mataas sang 45.1 percent kun ipaanggid sa $1.6 billion P76.4 bilion sa kaangay man nga period sang nagligad nga tuig.
“March 2021 FDI increased on account of improved investor sentiment amid the gradual resumption of domestic activities, while adhering to the minimum health standards, and government efforts to accelerate the vaccination program,” pahayag sang BSP.
Una na nga ginpahayag ni BSP Governor Benjamin Diokno nga pat-od nga makarekober na ang foreign direct investments subong nga tuig.
