Padayon sa gihapon nga tsekyaron sang mga pulis ang mga travel pass sang mga nagaguwa-sulod sa kada kabanwahanan sa probinsya sang Iloilo.
Ang travel pass ang mangin epektibo tubtob sa Hunyo 30 kadungan sang pagtakop sang Modified Enhanced Community Quarantine (MECQ) status sang probinsya.
Sa interview sang Bombo Radyo kay Iloilo Police Provincial Office (IPPO) Director PCol. Gilbert Gorero, iya ginpahayag nga kinahanglan updated ang travel pass sang pumuluyo.
Matandaan nga ang travel pass ang una nangin epektibo sang Hunyo 4 kag nagtakop kahapon Hunyo 18 apang gin-extend ini kadungan sang bag-o nga quarantine status sang probinsya.
Ginhatagan man sang tion ang mga pumuluyo suno kay Gorero nga i-update ang ila nga travel pass bangud gin-anunsyar na ni Iloilo Gov. Arthur Defensor Jr. nga extended ang paggamit sang passes kag mangin ang pagpatuman sang municipal border control points.
Pahayag niya, wala man nagakulang sa pagpahanumdom ang mga kapulisan tuhoy sa mga ginapatuman sa probinsya kag wala na sang rason ang publiko nga indi pa masunod ang mga pagsulundan.
