Arestado ang 11 ka mga indibidwal matapos nadakpan sa akto nga nagapatigayon sang iligal nga pabulang sa Brgy. Dawis Centro, Zarraga, Iloilo.
Ang mga aretado amo sanday:
- Jetro Macendo, 27, residente sang Brgy. Ingore Lapaz, Iloilo City;
- Fernan Romeo 22, residente sang of Brgy. Hipodromo, Iloilo City Proper;
- Jun Rey Romeo 27, residente sang Brgy. Malinao, Basay, Negros Occidental;
- John Louise Sologastoa 23, residente sang Inagdangan Norte, Zarraga, Iloilo;
- Leonardo Silvederio Jr. 30, residente sang Malagab-i, Cuartero, Capiz;
- John Dhell Loyola 27, residente sang Malangharon, Dingle, Iloilo;
- Evan Candido 42, residente sang Dawis Centro, Zarraga, Iloilo;
- Arnold Gregorio 42, residente sang Malagab I, Cuartero, Capiz;
- Ryan Christian Subejano, residente sang Inagdangan, Norte, Zarraga, Iloilo;
- Sherwin Candido 39, residente sang Dawis Centro, Zarraga, Iloilo; kag
- Basilio Candido 61, residente sang Dawis Centro, Zarraga, Iloilo
Samtang, nakapalagyo naman sanday:
- Jonathan Romeo, residente sang Bayawan, Negros Occidental;
- Walter Dolindo, residente sang Malangharon, Dingle, Iloilo;
- Pedro Provido Jr. alyas “Bado”; kag
- Pedro Provido Sr. aka “Indo” lunsay residente sang Brgy. Inagdangan Norte, Zarraga, Iloilo
Sa interview sang Bombo Radyo kay PLt. Johnny Arnad, hepe sang Zarraga Municipal Police Station, iya ginpahayag nga natigayon ang ila operasyon bangud sa asud-asud nga reklamo nga ila nabaton may kaangtanan sa lapnagon nga iligal nga pabulang sa Brgy. Dawis Centro, Zarraga, Iloilo.
Natigayon nila nga nadakpan sa akto ang 11 ka mga indibidwal nga nagapatigayon sang bulang.
Apang antes mag-abot ang mga otoridad, nakapalagyo naman ang apat ka mga indibidwal.
Suno kay Arnad, narekober nila ang duha ka buhi kag duha man ka patay nga fighting cocks ukon ginapabulang nga manok, kag bet money ukon pusta nga P 33,340.
Sa subong suno sa pulis, ginkustodiya na ang 11 ka arestado sa Zarraga Municipal Police Station sa diin magapangatubang ang mga ini sa kaso nga paglapas sa Presidential Decree No. 1602 (IIlegal Cockfighting).
