Ginapanan-aw nga kinahanglan sang Pilipinas ang dugang nga P25 billion agud mabakunahan batok sa COVID-19 ang mga kabataan nga naga-edad 12 anyos pasaka.
Suno kay Department of Finance Secretary Carlos Dominguez, ini ang igalakip sa 2022 national budget.
Pahayag ni Dominguez, ang P25 billion nga budget ang iga-allocate para sa adult kag teenager population sang pungsod ukon 85 million Filipinos.
Dugang pa niya, ginapreparahan man sang gobyerno ang pagbakal sang booster shots nga nagabalor sang P60 billion.
Nahibaluan nga target sang gobyerno sa sini nga tuig nga mafully vaccinate ang 58 million nga Filipinos agud maangkon ang ‘population protection.’
