Nagsaka na sa apat ka tawo ang ginbawian sang kabuhi kag 159 naman ang wala pa natigayon nga marescue matapos nag-collapse nga 12- storey beachfront condo building sa Miami, Florida, sa Estados Unidos.
Suno kay Bombo International Correspondent Gigi Bulnes Wolff, direkta sa Florida,35 ka mga tawo ang una nga narescue sa diin tubtob subong wala untat ang ginapatigayon nga search and rescue operation sang mga otoridad.
Pahayag ni Wolff, bangud sa dalagko nga superficial metals, naggamit na sang heavy machinery ang mga rescuers agud nga makuha ang mga tawo nga natampukan sang debris.
Suno kay Wolff, ini na ang pinakadelikado nga rescue effort nga naeksperyensyahan sang mga rescuers.
Samtang, hugot naman nga ginaduso ni Florida Governor Ron DeSantis ang maid-id nga imbestigasyon sa matuod nga kabangdanan sang pagkarumpag sang building.
