Masobra isa ka milyon nga myembro sang Social Security System (SSS) ang wala nakabayad sang kontribusyon bangud sa COVID-19 pandemic.
Halin sa 17.6 million nga mga myembro nga nakabayad sang 2019, nagnubo ini sa 16.1 million.
Buot silingon, ginabanta 1.5 million nga mga myembro ang wala nakabayad ukon P19 billion ang nabuhin nga kita sang SSS.
Samtang nangin P34 billion na lang halin sa P38 billion ng narekord nga mandatory savings sang Pag-IBIG bangud sa epekto sang pandemya.
Apang sa pihak sini, nagtaas naman ang pondo sa voluntary Modifies Pag-IBIG ukon MP2 savings.
Sa una nga bahin sang 2021, amat-amat nga nakabawi ang Pag-IBIG bangud employed na ang mga nadulaan sang trabaho sa tunga sang pandemya.
