Naglango-lango si Presidente Rodrigo Duterte nga iya butangan sang taklob ang Taal Volcano sa Batangas matapos ini ang naglupok.
Ginpataas na sang mga otoridad sa Alert Level 3 ang Taal volcano bilang resulta sang phreatomagmatic eruption.
Apang ginpasiguro man ni Duterte nga nakahanda na ang mga pagkaon kag iban pa nga relief aid sang Department of Social Welfare and Development (DSWD) para sa mga apektado sang aktibidad sang Taal.
Nahibaluan nga sang Enero 2020 lang naglupok ang nasambit nga bulkan nga nag-apekto sa komunidad sa Batangas — duha ka bulan antes gin-igo sang COVID-19 pandemic ang Pilipinas.
