Nagahinun-anon lang ang duha ka mga punong barangay nga nadakpan nga naga-inom inom sa Arevalo, Iloilo City samtang ginapatuman pa ang liquor ban sa syudad.
Ang duha ka Punong Barangay amo sanday Cesar Espinosa sang Sto. Niño Sur kag Melvin Minerva sang Sto. Niño Norte, Arevalo, Iloilo City.
Sa interview sang Bombo Radyo kay Barangay Kagawad Dianalen Minerva, misis ni Punong Barangay Melvin, iya ginpahayag nga wala naga-inom sang red wine ang iya nga bana kag nawili lang gid ini sang istorya.
Nagdumdom man suno sa iya ang punong barangay nga wala pa sang curfew sang amo nga tion.
Pahayag sang barangay kagawad, wala nagalaum ang iya nga bana nga isyuhan sila sang citation ticket apang ini man ang iya nga ginabaton.
Magluwas sa paglapas sa liquor ban, nalapas man ang physical distancing sa diin ginapahayag ginabanta indi magnubo sa 10 ka-tawo ang mga nakaupod sang duha mga punong barangay sa pag-inom-inom.
