Indi nagakadapat nga magkumpyansa ang mga Filipino bangud lang nga ginbutang sa low risk area ang Pilipinas kun COVID-19 ang pagahambalan.
Suno kay Department of Health (DOH) Undersecretary Maria Rosario Vergeire, base sa two-week growth rate kag daily attack rate, yara na gid man sa low risk ang pungsod apang kinahanglan sa gihapon paminsaron sang publiko nga nagapabilin kag wala nadula ang virus.
Una nga ginpahayag ni DOH Epidemiology Bureau director Dr. Alethea De Guzman, nag yara sa negative level ang two-week growth rate samtang ang daily attack rate ang yara lang sa moderate risk nga 5.42.
Base sa data sang DOH, nagnubo sa -9% ang growth rate sang pungsod sang Hunyo 13 tubtob 26 gikan sa 15% sang Mayo 30 tubtob Hunyo 12.
