Nagsampay sa kilid sang baybayon sang Zone 4, Barangay San Juan, Molo, Iloilo City ang isa ka dako nga sun fish.
Sa interview sang Bombo Radyo kay Ronald Gabiazon, manugpangisda kag residente sang nasambit nga lugar, iya ginpahayag nga naglatag sila sang ila lambat kag nasapwan nila ang dako nga sun fish nga wala na sang kabuhi.
Suno kay Gabiazon, ginabanta masobra ka 100 ka kilo ang bug-at sang sun fish sa diin ginbululigan nila ini hakwat agud nga makuha sa kilid sang baybayon.
Ini naman ang pinakauna nga kahigayunan nga may yara sila sang nasapwan nga tuman ka dako nga isda sa lugar.
Ginapahayag nga nagabaho na ang nasapwan nga isda.
