Balik na bwas nga adlaw ang trabaho sa Iloilo Provincial Capitol matapos ginsirado sang Hulyo 2 para sa disinfection.
Sa interview sang Bombo Radyo kay Atty. Suzette Mamon, Iloilo Provincial Administrator, iya ginpahayag nga nagguwa na ang resulta sang swab test ni Iloilo Governor Arthur Defensor Jr. kag negatibo ini sa COVID-19 amo man ang iya mga staff.
Suno kay Mamon, sa bahin sang Hospital Management Office (HMO), naka skeletal workforce ang nasambit nga opisina.
Dugang pa sang natungdan, ang iban sa mga empleyado sang HMO ang nagapaidalom pa sa 14-day quarantine apang wala naman sang may ginahulat pa nga resulta sang swab test.
