Maga-install ang Land Transportation Office (LTO) Region VI sang mga Closed-circuit television (CCTV) camera sa kada lane sang Diversion Road, Iloilo City.
Sa interview sang Bombo Radyo kay Atty. Allan Sacramento, acting chief sang operations division sang LTO Region VI, iya ginpahayag nga katuyuan sini nga mas mapasanyog ang pagdakop sa mga motorista kag salakyan nga nagagamit sang peke nga plate number, nagarevolution sa dalanon kag agud matumod man ang mga driver nga wala nagagamit sang helmet.
Suno sa natungdan, katuyuan man sini nga ma-monitor ang mga nagakatabo nga aksidente sa dalanon.
Dugang pa ni Sacramento, magahire man sila sang mga personnel nga mangin responsable sa pagbantay sang footages sang iga-install nga mga CCTV cameras sa sulod sang 24 ka-oras.
