‘One Strong Momma’ ang aktres nga si Nadine Samonte nga sadto anay kilala bilang isa sa mga kapid sa bantog nga drama fantasy series nga ginaidolo sang mga kabataan.
Sa isa ka Instagram post, ginpakigbahin ni Nadine ang kabudlayan sa iya pagbusong sa ikatatlo niya nga baby.
Ginbuyagyag sang aktres nga ginapakigbatuan niya ang polycystic ovary syndrome (PCOS), isa ka kondisyon nga nagaapekto sa hormone levels sang mga babaye.
May ara man siya sang antiphospholipid syndrome (APAS), isa ka disorder sa immune system nga nagatuga sang kumplikasyon sa pagbusong sang mga mommies.
“Everyday is a struggle but its more of a blessing. Feeling my tummy grow everyday is what im thankful for. Thank you Lord for our 3rd baby. Yes, I still have PCOS and mostly APAS. This journey is particularly different from my 2 kids,” kabahin sang Instagram post ni Nadine.
Suno kay Nadine, diutayan lang siya nga mahulugan sa first trimister bangud lain ang iya nga sitwasyon ipaanggid sang ginbusong niya ang iya una nga duha ka anak.
Madamo man ang hibi suno sa aktres apang wala siya nagareklamo kag gin-engganyo man sini ang iban nga mga iloy nga may kaangay nga kondisyon nga magbato gid para sa ila nga mga kabataan.
“Ang dami kong iniyak sa journey na to hehe pero i wont give up EVER! Ill fight and stay strong for them!!! Go APAS and PCOS mommas out there. Kaya natin to!,” dugang pa sang aktres.
