Nakapamahaw sang maayo kag nakalakat-lakat na si Pope Francis duha ka adlaw matapos nagpaidalom sa surgery bangud sa inflamed large colon.
Suno kay Vatican spokesman Matteo Bruni, “His Holiness Pope Francis rested well during the night. This morning he had breakfast, he read some newspapers and got up to walk.”
Ginpahayag man nga maayo ang resulta sang routine check-ups sang 84 anyos nga Santo Papa.
Una na nga ginpahayag sang Vatican ngaa gin-admit sa ospital si Pope Francis sang Domingo sang hapon para sa scheduled operation bangud sang symptomatic diverticular stenosis sa iya colon.
Ang tatlo ka oras nga operasyon ang ginpatigayon ‘under general anaesthetic’ sa isa ka ospital sa Roma sa Italya.
Sang Lunes, ginpahayag man sang Vatican nga ang Santo Papa ang yara sa ‘good general condition, alert, and breathing spontaneously”.
Ginapahayag nga magapabilin pa sa ospital si Pope Francis sa sulod sang isa ka semana magluwas lang kun may mga kumplikasyon.
