Arestado ang 25-anyos nga lalaki sa Brgy. Sinapsapan, Jordan, Guimaras bangud sa ginapahayag kaso nga pagpatay sa iya kaugalingon nga Lolo.
Ang gindakop amo si Dennis Ojana, residente sang nasambit nga lugar.
Nagapangatubang sang kaso nga Parricide si Ojana kag wala sang recommended nga pyansa.
Sa interview sang Bombo Radyo kay Police Major Kenneth Bermejo, hepe sang Jordan Municipal Police Station, iya ginpahayag nga daan na ini nga kaso apang subong lang natigayon nga nadakpan si Ojana sa mismo barangay kun sa diin ginapahayag nga natabo ang krimen.
May mga witnesses suno kay Bermejo nga si Ojana ang nagdagdag sa iya nga Lolo sa bubon rason nga napatay ini.
Ginapahayag nagsaylo-saylo pa sang lugar si Ojana sa Jordan Guimaras kag subong nagatrabaho ini bilang panday. May mga record man ini sa barangay nga ginaalegar nagamaoy kun mahubog
