Aminado ang All-Star point guard sang Phoenix Suns nga si Chris Paul nga malayo pa nga matapos ang serye nila batuk sa Milwaukee Bucks sa NBA Finals.
Suno sa veteran player nga nanguna sa Game 1, isa ka daog pa lang ang ila nahimo kag kinahanglan pa ang 3-wins.
Kuntani pahayag niya, indi lang sila madulaan sang focus sa best-of-seven series.
Pahayag naman sang teammates ni Paul nga sanday Devin Booker kag Mikal Bridges, makit-an nga tuman ka-handa sa iya una nga NBA Finals si Paul sa diin sulod kag may puntos gid ang kada tira sini sang bola.
Sa kampo naman sang Milwaukee, ginpahayag sang top scorer nga si Kris Middleton nga nakahibalo sila nga mabuday ang serye kag may kahigayunan nga mapyerde sila.
Apang pahayag sang ila nga coach nga si Mike Budenholzer, samtang nagadugay ang serye, naga-maayo ang performance sang ila nga team ilabi na nga nagbalik ang ila two-time MVP nga si Giannis Antetokounmpo.
Patigayunon sa bwas ang game 2 sa tunga sang Suns kag Bucks sa homecourt sang Phoenix.
