Ginsabat sang aktor nga si Joem Bascon ang pamangkot kun bala nangin unfaithful ini sa isa ka relasyon.
Suno kay Joem, sang lamharon pa ang iya edad, masiling niya nga may mga kahigayunan nga wala siya nangin tampad sa iya nga ka-relasyon.
Apang sang yara na sa insakto nga edad ang aktor, ginpahayag sini nga kun magsulod siya sa relasyon, stick-to-one na lamang ini apang kun kinahanglan mag-move on, ginahimo niya ang masarangan agud nga padayunon ang iya kabuhi.
Matandaan nga nangin sentro si Joem sang pagpang-bash sang nagbulagay sila sang vlogger nga si Crisha Uy kag ginkakibot ang balita nga nagbalik ini sa iya sadto ex-girlfriend nga si Meryll Soriano kag nakaangkon sang anak.
Matandaan nga sang Enero, ginkumpirma man ni Meryll nga nagbalikanay sila ni Joem.
Nakadepende na sa tawo pahayag ni Joem kun ano man ang ihambal batuk sa iya bangud mas pilion niya nga maghipos kag indi na pag-isapubiliko ang iya nga rason.
Sa subong, luyag lang sang aktor nga mangin maayo ang ikaayong lawas sang iya nga pamilya.
