Ginapamulta sang P75,000 ang basketball player nga si Jio Jalalon sang Magnolia Hotshots bangud sa paglapas sa COVID-19 protocols, lima ka adlaw antes ang pagbukas sang liga sa Hulyo 16.
Suno kay PBA Commissioner Willie Marcial, gin-ako man ni Jalalon ang iya sala kag nagpangayo ini sang sorry.
Magluwas sa multa pahayag ni Marcial, lima pa gid ka adlaw nga suspension nga wala sang bayad ang ginhatag sa nasambit nga player.
Dugang pa sang natungdan, nagpartisipar si Jalalon sa isa ka basketball game sa Northern Luzon sa diin ginlapas sini ang closed-circuit format sang liga ukon ang “home-venue-home scheme.”
May yara naman sang ginahimo nga tikang ang Magnolia team management.
Nahibaluan nga tuman ka-strikto ang liga sa COVID-19 protocols ilabi na nga bag-o lang man ini ginpasugtan sang Inter-Agency Task Force kag sang Game and Amusements Board nga maka-umpisa na sa pagpatigayon sang live games sa Hulyo 16.
