Excited na ang mga pageant fans subong nga adlaw para sa 57th Grand Coronation Night sang Binibining Pilipinas.
34 ka mga kandidata ang magabida kag maga-agaway para sa apat ka mga korona.
Ini amo ang Miss International, Miss Grand International, Miss Globe kag Miss Intercontinental.
Ang tiglawas sang Iloilo City amo si Binibini 15, Karen Laurrie Mendoza.
Malantaw ang Binibining Pilipinas las 9:30 karon sa gab-i pinaagi sa livestreaming kag makit-an man diri sa facebook live sang Bombo Radyo.
Matandaan nga ginhatagan na sang green light sang Inter-Agency Task Force (IATF) ang pagpatigayon sang Binibining Pilipinas coronation night sa Smart Araneta Coliseum.
Ang mga participants ang ginpaidalom sa reverse transcription polymerase chain reaction (RT-PCR) test bilang requirement man sang IATF.
