Lola patay, apo niya pilason, matapos nabunggan sang ambulansya sa Cabatuan, Iloilo

Patay ang lola samtang pilason naman ang iya nga apo sang sila ang nabungguan sang Calinog ambulance sa Barangay Tiring, Cabatuan, Iloilo.

Ang biktima amo si Elena Muyuela, 71, sa diin kaupod niya ang iya apo nga duha ka tuig ang edad , lunsay mga residente sang Barangay Pungtod, Cabatuan.

Samtang ang driver naman sang ambulansya amo si Michael Castroverde, 39, sang Barangay San Nicolas, Calinog.

Sa interview sang Bombo Radyo kay PCapt. Myles Dieron, hepe sang Cabatuan Municipal Police Station, iya ginpahayag nga madul-ong kuntani sang pasyente sa syudad sang Iloilo ang ambulansya halin sa banwa sang Calinog.

Suno kay Dieron, nagtabok ang mag-lola sang sila ang nabungguan sang ambulansya.

Sa subong, yara na sa kustodiya sang Cabatuan Municipal Police Station ang nasambit nga driver.