Ginpasakaan sang kaso kag ginapabayad sang $150,000 ukon ginabanta P7.5 million ang international pop star kag Grammy-award-winning artist nga si Dua Lipa kasunod sang iya pag-post sang paparrazi photo.
Sa amo nga picture, nakit-an si Dua nga nagapila sa airport sang Pebrero 2019 samtang nagauyat sang iya ticket kag passport samtang suksuk ang isa ka oversized hat.
Gin-claim sang Integral Images nga gin-post ni Dua ang amo nga laragway bisan nga wala sang pahanugot halin sa photographer nga amo ang nagpicture sa iya.
Sa idalom sang copyright law, ang isa ka picture ang ginapanag-iyahan sang photographer kag indi sang subject sa anuman nga picture.
Nahibaluan nga ang iban pa nga mga artista nga nakaagi man nga ginpasakaan sang kaso bangud sang pag-post sang paparrazi photo sang ila kaugalingon amo sanday Gigi Hadid, Liam Hemsworth, Khloe Kardashian, Jennifer Lopez, Ariana Grande kag Justin Bieber.
