Ginkumpirma ni Filipino pole vaulter EJ Obiena nga indi na siya ang magakapot sang Philippine flag sa opening ceremonies sang Tokyo Olympics sa Hulyo 23.
Gin-ako ni Obiena nga nadulaan siya sang kumpyansa bangud sa pagkakas sa iya bilang flag bearer.
Suno sa athletics star, ang pagkakas sa iya ang bangud sa panibag-o nga protocol sang Tokyo Olympics sa diin kinahanglan nga yara na ang flag bearer sa Tokyo 48 oras antes ang opening ceremonies.
Apang ang arrival sang 25 anyos nga si Obiena ang natalana pa sa adlaw mismo sang Olympics las 12:30 sang udto oras sa Japan kag indi na ini mahimo pa nga ma-adjust.
Samtang las 8 naman sang gab-i ang pagbukas sang Olympics.
Sa subong, wala pa sang may gin-announce nga panibag-o nga male flag bearer si Philippine Olympic Committee (POC) president Abraham “Bambol” Tolentino.
