Naglaum si Miss Universe Philippines 2020 Rabiya Mateo nga kuntani gin-deactivate na lang niya ang iya social media accounts kadungan sang nangin kompetisyon sini sa 69th Miss Universe.
Ini ang ginpahayag sang Ilongga beauty queen kadungan sang homecoming event sini matapos ang masobra isa ka semana nga pag-abot sa Pilipinas halin sa Estados Unidos.
Suno kay Rabiya, sa mangin masunod nga Miss Universe Philippines, mas maayo nga indi siya anay magbukas sang social media bangud mabatyagan gid ang pressure halin sa mga fans.
Mas maayo pahayag niya nga maglikaw na lang agud mapabilin ang inner peace.
Kinahanglan lang dugang sang Ilongga nga mag focus sa physical training, question and answer portion kag ang hollistic approach.
Nahibaluan nga nagtakop ang journey ni Rabiya matapos nalakip sa Top 21 sa 69th Miss Universe.
