Kylie Padilla, nagsabat sa mga alegasyon nga ginaangot sila ni JM De Guzman

Gintapos na sang aktres nga si Kylie Padilla ang issue sa pag-issue sa ila sang aktor nga si JM De Guzman.

Isa ka netizen ang nagpamangkot kay Kylie kun bala matuod ang huring-huring nga ginbulagan siya sang bana nga si Aljur Abrenica bangud maluho ini kag nagapasugot nga pangaluyagan sang mga manggaranon nga artista.

Samtang isa pa ka netizen ang nagpamangkot kun bala isa sa mga nagapangaluyag kay Kylie amo si JM.

Direkta naman nga ginsabat sang aktres ang mga netizens kag ginpahayag nga mag-abyan lang gid sila ni JM kag wala sang kamatuoran ang mga issue nga ginahaboy sa iya.

Tubtob subong, mahipos sa gihapon si Aljur sa alegasyon naman batuk sa iya nga may yara ini sang iban nga babaye rason nga nagbulagay sila ni Kylie.