Magapatuman sang istrikto nga border control restriction ang Iloilo City Police Office (ICPO) kadungan sang pagpaidalom sa syudad sang Iloilo sa Enhanced Community Quarantine (ECQ) status.
Sa interview sang Bombo Radyo kay ICPO Director Police Col. Uldarico Garbanzos, iya ginpahayag nga magapatigayon sila sang emegergency meeting kaupod ang COVID-19 Team sang Iloilo City Government agud mahusayan ang mga pagsulundan angot sa pag-istrikto sa hulag sang tanan nga mga tawo.
Suno kay Garbanzos, makig-angot man sila sa tanan nga barangay officials sang syudad.
Ginpat-od man sang natungdan nga i-maximize ang augmentation sang police personnel sa kada border sang syudad, pampubliko nga lugar kag kalakip na sa mga barangay agud ipatuman ang checkpoints kag pila ka mga border restriction.
