Nagapabilin sa ospital ang myembro sang lesbian, gay, bisexual, transgender ukon LGBT community matapos ini ginbuno sang iya man lang nga Ex-boyfriend sa Barangay Rizal Pala-Pala 2, Iloilo City Proper.
Ang biktima amo si Arip Batungara, 18, residente sang Barangay Tanza Bonifacio.
Samtang suspek naman nga ex-boyfriend sang biktima amo si Kj Boy Estemira sang Barangay Ortiz.
Sa interview sang Bombo Radyo kay Police Staff Sergeant Alberto Espinosa, imbestigador sang Iloilo City Police Station 1, iya ginpahayag nga magkaupod man lang sanday Batungara kag Estemira sa isa ka balay nga naga inom-inom.
Apang nag-ugat ang pagbuno sang suspek matapos nga ginpangayo ni Batungara ang password sang cellphone ni Estemira apang wala niya ini ginhatag.
Bangud sini suno sa imbestigador, naakig ang biktima kag ginbutong ang buhok sang suspek.
Apang natigayon nga mabuno sang suspek ang biktima sa natuo nga bahin sang iya dughan.
Dugang pa sang puis, yara man sang amo nga tion ang nobyo ni Estemira nga abyan man lang ni Batungara.
