Magasambuwa para sa Game 5 ang Milwaukee Bucks kag Phoenix Suns subong las 9 sa aga.
Suno kay Jrue Holiday sang Milwaukee, mangin isa ka mainit nga away ang matabo sa court.
Nagpasalig man ang iban nga players sang Bucks nga buligan kag suportahan nila si Giannis Antetokoumpo bangud isa lang ang ila nga tinutuyo — ang magdaog.
Pahayag naman sang coach nga si Monty Williams sang Suns, indi anay pwede ang pagbatyaga sang ‘kapoy’ subong nga Game 5 kag ini man ang ginpaboran ni Chris Paul.
Matandaan nga nakuha sang Phoenix ang first two games samtang ang sunod nga duha ka games ang nakuha man sang Bucks.
