Aprubado na sa third and final reading ang ordinansa sang Iloilo Province nga naga-grant sang financial assistance ukon ayuda sa mga totally bedridden nga indibidwal.
Ang amo nga ordinansa ang gin-author ni Iloilo Vice Governor Christine “Tingting” Garin.
Sa interview sang Bombo Radyo kay Garin, iya ginpahayag nga P20 Million ang ginpain nga pondo para mabuligan ang mga longterm bedridden individuals sang probinsya.
Suno kay Garin, P2,000 kada quarter sa sulod sang isa ka tuig ang ihatag sa mga bedridden lakip na ang paglibre sang ila nga mga medical examination, laboratories, kag admission sa ospital.
Dugang pa sang bise-gobernador, ginabanta 2,500 ka mga indibidwal nga bedridden sa probinsya ang magabenepisyo sa ordinansa.
