Indi na standardized recipe ang i-promote sang Department of Trade and Industry (DTI) sa traditional Filipino dishes kaangay sang adobo.
Kasunod sang asud-asud nga pagpakamalaot nga nabaton halin sa publiko, ginpahayag ni DTI Secretary Ramon Lopez nga baseline guide na lang ang ila nga i-promote.
Paathag ni Lopez, ang baseline traditional recipe ang magaserbe lamang bilang guide kag indi mandatory.
Suno sa tiglikom, hilway ang mga tawo kun ano man ang ila nga himuon sa sini nga baseline recipe kag indi man magpahilabot ang DTI sa ila nga style sa pagluto.
Liwat nga ginpaathag sang DTI nga ang pagtukod sang technical committee nga amo ang maga-establisar sang baseline traditional recipes para sa mga pagkaon kaangay sang adobo ang magaserbe lamang bilang guide agud ma-promote ang mas creative nga exports sang pagkaon.
Kabahin man ini suno sa iya sa recovery efforts gikan sa epekto sang COVID-19 pandemic. #
