Ginatugyan sang probinsya sang Iloilo sa mga local chief executive sang kada banwa ang paghatag sang mga bulig sa pumuluyo nga tuman nga apektado sang Enhanced Community Quarantine (ECQ).
Sa interview sang Bombo Radyo kay Iloilo Provincial Administrator Atty. Suzette Mamon, iya ginpahayag nga ang mga municipal mayor ang may jurisdiction sa ila nga lugar kag sila man ang makatumod kun ano ang concerns sang ila nga pumuluyo,
Suno kay Mamon, may yara na nga daan sang pondo ang kada banwa sang probinsya nga ginare-align kag ginaliquidate sang local government unit.
Apang sa tion nga magrequest ang isa ka banwa sang dugang nga bulig, nakahanda man sa pagresponde ang Iloilo Provincial Government.
