Gin-anunsyo sang Miss Universe Organization nga sa pungsod Israel patigayunon ang 2021 Miss Universe Competition sa bulan sang Disyembre.
Si Steve Harvey ang magabalik man bilang host.
Ini ang ikaduha nga tion nga patigayunon ang Miss Universe pageant kadungan sang holidays.
Ulihi ini nga natabo sang Disyembre 2012 sang ang ginkoronahan amo ang American beauty queen nga si Olivia Culpo.
Ini man ang una nga tion nga makaduha ka bes nga ginpatigayon ang Miss Universe pageant sa isa lang ka tuig.
Matandaan nga May 16, ginpatigayon ang Miss U pageant sa Florida, USA apang delayed na ang amo nga pageant bangud sa pandemya.
