ILOILO CITY- Ang pagpahulom sa mainit ukon alabaab nga tubig ang pinakamanami himuon sa matugnaw nga panahon.
Apang suno kay Dr. Jonathan B. Smith, isa ka general practice specialist, magluwas sa manami sa pamatyagan, madamo man ini sang benepisyo sa lawas.
Ini naga-increase sang blood circulation kag ang mas maayo nga blood flow ang nagakahulugan man nga madamo nga nutrients ang available agud makabulig sa cells nga mag-regenerate kag padasigon ang healing process.
Nagabulig man ini sa muscle pain relief.
Ang increase sa blood circulation makabulig pakuha sang pain-causing chemicals nga naga- build up sa tissues kag ang resulta, madasig nga madula ang muscle pain.
Naga-promote man ini para sa healthier heart.
Kon ang tawo nagapahulom sa mainit nga tubig,ang heart mas nagaaktibo kaangay sa kon paano ini nagabenepisyo kun ikaw ang naga- ehersisyo.
Kag, naga-improve ini sang mental health bangud nagabuhin ini sang epekto sang stress kag naga- contribute sa improved mental health.
