Ginkalipay ni Iloilo City Lone District Rep. Julienne ‘Jamjam’ Baronda ang pagbasura sang Court of Appeals sa kaso sang iya suod nga abyan nga si former Iloilo City Mayor Jed Patrick Mabilog.
Ini ang kaangot sa ginapahayag ill-gotten wealth sang anay alkalde.
Sa exclusive interview sang Bombo Radyo kay Rep. Baronda, iya ginpahayag nga ginapanginbulahan gid niya si Mabilog lakip na ang pamilya sini.
Nagapakita lamang ini suno kay Baronda nga buhi ang hustisya kag naangkon ini ni Mabilog.
”We wish to congratulate Former Mayor Jed Patrick Mabilog. It goes to show that justice is alive in the country. Ginapangibulahan ko gid si Mayor Jed sa victory sang iya kaso.”
Dugang pa niya, umpisa sang nagpadulong sa Canada ang former Mayor, nakasugilanon man sila pinaagi sa messenger.
