Naglab-ot sa 1,850 ka mga indibidwal nagikan sa transport sector sa Iloilo City ang nakabaton sang P5,000 nga ayuda.
Sa exclusive interview sang Bombo Radyo kay Iloilo City Lone District Rep. Julienne ‘Jamjam’ Baronda, iya ginpahayag ginpadal-an lamang sang code ang mga beneficiaries agud makuha nila ang cash assistance sa pera padala center.
Suno kay Baronda, una pa lamang ini nga batch sa 10,000 ka applicants nagikan sa transport sector sa diin ginalauman nga sa mga masunod nga semana, may yara naman sang pay-out.
Pahayag ni Baronda, kaupod si Iloilo City Mayor Jerry Treรฑas, nagapasalamat ang syudad sa pila ka mga senador nga nagabulig sa paghatag sang pondo.
Paathag sang mamalidha, ginatinguhaan man sang syudad nga madugangan pa ang pondo agud madamo pa sang kubos nga mabuligan sa tunga sang enhanced community quarantine (ECQ).
