Kabug-usan nga 562,770 doses sang American-made Pfizer COVID-19 vaccines ang nag-abot sa Pilipinas kagab-i.
Ang mga bakuna ang gindala sa cold storage facility sa Marikina agud malikawan nga mapan-os.
Kahapon man nga adlaw, 51,480 shots sang kabug-usan nga Pfizer vaccine ang una na nga gindeliver sa Cebu.
Sang tinalikdan nga bulan, nagpirma sang supply agreement ang Pilipinas sa pagbakal sang 40 million doses sang Pfizer vaccines agud nga maka-augment man sa vaccination program sa diin target sang gobyerno nga malab-ot ang herd immunity.
Una na nga ginpahayag ni vaccine czar Sec. Carlito Galve Jr. nga ang Pilipinas ang nakabaton na sang 164 million doses sang COVID-19 vaccines nga ginalakipan sang;
*Pfizer-BioNTech – 40 million doses
*Sinovac – 26 million doses
*Moderna – 20 million doses
*AstraZeneca – 17 million doses
*Sputnik V – 10 million doses
*COVAX donation – 44 million doses
*COVAX cost-sharing (Johnson & Johnson) – 5 million doses
*Donations halin sa Japan kag China – 2 million doses
